Vitate, Vitawe na Visawe


VITATE, VITAWE NA VISAWE
Kitengo Msamiati
MASOMO
Prev N/A
Next Tarakimu
Baadhi ya maneno ya Kiswahili yanaweza kuwa na maana sawa, maana zaidi ya moja au matamshi yanayotatiza. Vikundi hivi vitatu ni:
  1. Vitate - maneno yanayotatiza kimatamshi. ⇒ Vitate hutatiza kimatamshi
  2. Vitawe - maneno yenye maana zaidi ya moja. ⇒ Vitawe hugawanywa kwa matawi au maana zaidi
  3. Visawe - maneno tofauti yenye maana sawa. ⇒ Visawe huwa na maanasawa ''

Vitate

Maneno yanayotatiza kimatamshi.

  1. ndoa na doa :
    1. ndoa ⇒ kuungana kwa watu wawili na kuishi pamoja kama mume na mke
    2. doa ⇒ alama ya uchafu, kasoro au dosari
  2. baba na papa :
    1. baba ⇒ mzazi wa kiume
    2. papa ⇒ mnyama wa baharini
  3. fua na vua :
    1. fua ⇒ osha nguo, tengeneza vyuma
    2. vua ⇒ shika samaki kutoka majini; toa nguo
  4. faa na vaa :
    1. faa ⇒ inayostahili, inayopaswa
    2. vaa ⇒ weka nguo juu ya mwili
  5. ngoma na goma :
    1. ngoma ⇒ ala ya muziki itoayo sauti inapopigwa
    2. goma ⇒ acha kufanya kazi
  6. shinda na shida :
    1. shinda ⇒ ongoza katika makabiliano, mashindano
    2. shida ⇒ taabu au matatizo
  7. shindano na sindano :
    1. shindano ⇒ makabiliano baina ya watu wawili au zaidi ili kutambua atakayeongoza
    2. sindano ⇒ kifaa kinachotumika kushonea vitu
  8. pinga na piga :
    1. pinga ⇒ kutokubaliana na jambo fulani
    2. piga ⇒ kugonga au kuchapa
  9. fahali na fahari :
    1. fahali ⇒ ng'ombe wa kiume. pia ndume
    2. fahari ⇒ kujivunia, furaha
  10. haba na hapa :
    1. haba ⇒ kisichokuwa kingi
    2. hapa ⇒ mahali karibu

Vitawe

Mano yenye maana zaidi ya moja
  1. paa :
    1. kwea (enda juu)
    2. mnyama wa porini anayefanana na mbuzi
    3. sehemu ya juu ya nyumba
  2. shinda :
    1. kaa au ishi mahali/wakati fulani
    2. ongoza katika shindano
    3. tupu
  3. kaa :
    1. sehemu yenye moto ya kuni
    2. mnyama wa majini
    3. keti chini
    4. kuwa mahali fulani kwa muda
  4. mbuzi :
    1. mnyama anayefugwa kama ng'ombe
    2. chombo cha kukunia nazi
  5. mlango :
    1. ukoo au watu wenye asili smoja
    2. sehemu ya kuingia kwenye nyumba
    3. kitu kinachotumika kifunga nyumba
  6. fua :
    1. unda vyombo/vifaa mbalimbali kwa kupiga chuma
    2. osha nguo
  7. vua :
    1. toa nguo kutoka mwilini
    2. toa samaki kwenye maji
  8. kiboko :
    1. mnyama mkubwa wa baharini
    2. silaha inayotumika kwa kuchapa au kupiga
  9. tembo :
    1. aina ya ndovu
    2. aina ya pombe

Visawe

Maneno tofauti yenye maana sawa.
  1. msichana au banati : ⇒ kijana wa jinsia ya kike
  2. mvulana au ghulamu : ⇒ kijana wa jinsia ya kiume
  3. huzuni au majonzi : ⇒ hali ya kilio na huruma
  4. mazishi au matanga : ⇒ shughuli za kumzika marehemu
  5. wakati au mwia : ⇒ wakati au muda
  6. mtu au mja : ⇒ mnyama atembeaye kwa miguu miwili mwenye uwezo wa kuongea na kufikiri kimantiki
  7. barua au waraka : ⇒ kartasi inayoandikwa na kutumwa ili kuwasilisha ujumbe fulani
  8. siri au faragha : ⇒ jambo lisilopaswa kujulikana na mtu mwengine
  9. macho au maninga : ⇒ sehemu za mwili zinazotumika kuangalia na kuona
  10. mwangaza au nuru : ⇒ miyale inayowezesha watu kuona vitu
  11. Mungu au Mola au Rabana au Jalali au Rabuka : ⇒ Majina ya Mwenyezi Mungu

12 Comments


Shukuru Misozi - May 10, 2013 @ 4:06pm

Naomba ufafanuzi, katika vitate 'fahali au ndume' limetumika kumaanisha ng'ombe dume lakini katika visawe 'fahali au ndume' imetumika kumaanisha anayesoma, anayefundishwa. Hapo sielewi maana hiyo iliyotolewa.

Master You - May 14, 2013 @ 3:14pm

Thanks for helping me i'm real appreciating for U Galfkosoft
Paneli la Kiswahili

Mwalimu Ouko - Jun 04, 2013 @ 8:48pm

jinsi ninavyofahamu neno fahali huenda ikamaanisha ng'ombe dume au shujaa.Asanteni mabingwa.

Mbuva - Jun 09, 2013 @ 5:35pm

fahali ni ng'ombe dume hii ya kama mwalimu na mwanafunzi inanitatiza tafadhali naomba ufafanuzi

ERIC OLESO - Jun 11, 2013 @ 6:47am

Asante sana

Donald Barasa - Jun 18, 2013 @ 7:58am

Naomba mnisaidie maana ya sauti ghuna na mifano

azuri - Aug 21, 2013 @ 4:19pm

Naomba nifahamishwe maana ya maneno yafutayo.Kikembe;Kidue;Kitungule;kibebe na Kichengo.Ahsanteni kwa kazi nzuri muifanyayo

Omondi lwero - Oct 07, 2013 @ 1:43pm

Naomba unianishie matatizo ya kimatamshi katika kamusi vitate

joyce - Oct 16, 2013 @ 11:27am

Naomba visawe vya nambari zifuatazo, moja, mbili, tatu, nne, tano, sita, saba, nane, tisa, kumi, kumi na moja

Mhuville, H. - Dec 24, 2013 @ 4:46am

mvulana ambaye bado hajabalehe anaitwaje?

K. DANIEL - Oct 22, 2014 @ 11:23am

nini kisawe cha neno asali

MM.SHIBLI - 1 week ago

JOYCE, mimi nakupa sufuri au nungi

Login to Comment